હોળી અને ધુળેટી ઉત્સવને લઇને દ્વારકાના મંદિરમાં ભક્તો માટે દર્શનના સમયમાં થયો ફેરફાર

હોળી અને ધુળેટી ઉત્સવને લઇને દ્વારકાના જગતમંદિરમાં ભક્તો માટે દર્શનના સમયમાં ફેરફાર કરાયો છે… આજે સવારે 6 વાગ્યે નિત્યક્રમ મુજબ મંગળા આરતી કરવામાં આવી. બપોરે 1 વાગ્યા દરમ્યાન દર્શન ચાલુ રહેશે… બપોરે 1 થી 5 વાગ્યા દરમ્યાન મંદિર બંધ રહેશે… સાંજે 5 વાગ્યાથી ભક્તો રાબેતા મુજબ દર્શન કરી શકશે.  

તો આવતીકાલે ધુળેટીના દિવસે ફુલડોલ મહોત્સવની ઉજવણી થશે. આ દિવસે સવારે 6 વાગ્યે મંગળા આરતી થશે. સવારે 6 થી બપોરે 1 સુધી નિત્યક્રમ મુજબ દર્શન ચાલુ રહેશે. ત્યાર બાદ 1 થી 1:30 વાગ્યા સુધી મંદિર બંધ રહેશે.  

1:30 વાગ્યે ખાસ ઉત્સવ આરતી થશે. 1:30 થી 3:30 વાગ્યા સુધી ભક્તો ફુલડોલ ઉત્સવના દર્શન કરી શકશે. જે બાદ 3-30 વાગ્યાથી 5 વાગ્યા સુધી મંદિર ફરી બંધ રહેશે. 5 વાગ્યાથી મંદિરમાં નિત્યક્રમ મુજબ દર્શન કરી શકાશે.