સુપ્રીમ કોર્ટનું સૌથી મોટું નિવેદન, કહ્યું ‘કોઈને પણ વેક્સિન લેવા માટે દબાણ ના કરી શકાય’

કોવિડ સંકટ વચ્ચે સુપ્રીમ કોર્ટે મોટી ટિપ્પણી કરી છે. સુપ્રીમ કોર્ટે કહ્યું છે કે કોરોનાની રસી લેવા માટે કોઈને દબાણ કરી શકાય નહીં. કોવિડ રસીકરણની ફરજિયાત જરૂરિયાતને ગેરબંધારણીય જાહેર કરતી અરજી પર સુપ્રીમ કોર્ટમાં સુનાવણી ચાલી રહી હતી. આ દરમિયાન ટિપ્પણી કરવામાં આવી હતી.

સુપ્રીમ કોર્ટે કહ્યું કે નીતિ ઘડતર પર કંઈપણ કહેવું યોગ્ય નથી પરંતુ કોઈને રસી અપાવવા માટે દબાણ કરી શકાય નહીં. સરકાર જનહિતમાં લોકોને જાગૃત કરી શકે છે. ફરજિયાત કોવિડ રસીકરણને ગેરબંધારણીય જાહેર કરતી અરજી પર ચુકાદો આપતાં સુપ્રીમ કોર્ટે આ વાત કહી. કોર્ટે કહ્યું કે નીતિ નિર્ધારણ પર કંઈપણ કહેવું યોગ્ય નથી, પરંતુ કોઈને રસી અપાવવા માટે દબાણ કરી શકાય નહીં.

Supreme Court says no individual can be forced to get vaccinated. The Court also says that it’s satisfied that the current vaccine policy can’t be said to be unreasonable & manifestly arbitrary.
SC says that govt can form policy&impose some conditions for the larger public good

— ANI (@ANI) May 2, 2022

વેક્સિન ન લેનાર લોકો પરના પ્રતિબંધને પરત લેવાનો SCનો નિર્દેશ

સુપ્રીમ કોર્ટે જાહેર સ્થળો પર વેક્સિન ન લેનાર લોકો પર પ્રતિબંધ લગાવવાના અમુક સંસ્થાઓના અને રાજ્યોના પ્રતિબંધને પરત લેવાનો નિર્દેશ આપ્યો હતો. સુપ્રીમ કોર્ટે કેન્દ્રને કોવિડ-19 રસીકરણની આડ અસરો અંગેનો ડેટા સાર્વજનિક કરવા પણ નિર્દેશ આપ્યો.

રાજ્ય સરકારોએ રસીકરણની આવશ્યકતા પર લાદવામાં આવેલા નિયંત્રણો દૂર કરવા જોઈએ: કોર્ટ
સુપ્રીમ કોર્ટે કહ્યું કે સરકાર જનહિતમાં લોકોને જાગૃત કરી શકે છે. રોગને રોકવા માટે પ્રતિબંધો લાદી શકે છે, પરંતુ રસી લેવા અને કોઈપણ પ્રકારની વિશેષ દવા લેવા માટે દબાણ કરી શકતા નથી. રોગચાળા દરમિયાન રસીકરણની આવશ્યકતા અંગે કેટલીક સરકારો દ્વારા લાદવામાં આવેલા નિયંત્રણો તાત્કાલિક દૂર કરવા જોઈએ.

રસી લેવી કે ન લેવી એ દરેક નાગરિકનો વ્યક્તિગત નિર્ણય છેઃ સુપ્રીમ કોર્ટ
તેના નિર્ણયમાં, કોર્ટે કેન્દ્ર સરકારને જનતા અને ડૉક્ટરો સાથે વાત કર્યા પછી એક રિપોર્ટ પ્રકાશિત કરવા કહ્યું છે, જેમાં રસીની અસર અને પ્રતિકૂળ અસરો અંગે સંશોધન સર્વેક્ષણ હોવું જોઈએ. કોવિડ રસીકરણની કેન્દ્ર સરકારની નીતિને યોગ્ય ગણાવતા સુપ્રીમ કોર્ટે સ્પષ્ટ કર્યું છે કે રસીકરણ કરાવવું કે નહીં તે દરેક નાગરિકનો વ્યક્તિગત નિર્ણય છે. કોઈને પણ રસી લેવા માટે દબાણ કરી શકાય નહીં.

SCએ પોતાના નિર્ણયમાં રાજ્ય સરકારોને વેક્સિનની નીતિ અંગે સૂચન કરતાં કહ્યું છે કે, રસીની આવશ્યકતા દ્વારા વ્યક્તિઓ પર લાદવામાં આવેલા પ્રતિબંધોને પ્રમાણસર અને યોગ્ય કહી શકાય નહીં. હવે જ્યારે સંક્રમણનો ફેલાવ અને તીવ્રતા સાથે સંક્રમિત લોકોની સંખ્યા ઓછી છે, ત્યારે જાહેર વિસ્તારોમાં અવરજવર પર કોઈ પ્રતિબંધ લાદવો જોઈએ નહીં. જો સરકારોએ આવો કોઈ નિયમ કે પ્રતિબંધ લાદ્યો હોય તો તેને પરત ખેંચી લો.